Vallabhashtakam
"8 Verses" in praise of Shri Vallabhacharya's form, composed by his son Shri Vitthalnathji Gusainji
Śrī Vallabhāṣṭakam
śrīmad vṛndāvanendu prakaṭita rasikānanda sandoharūpa
sphūrjad rāsādi līlāmṛta jaladhi bharākrānta sarvo’pi śaśvat
tasyaivātmānubhāva prakaṭana hṛdayasyājñayā prādurāsīd
bhūmau yaḥ sanmanuṣyākṛtirati karuṇas taṃ prapadye hutāśam ।।१।।
nāvirbhūyād bhavāṃśced adhi dharaṇi talaṃ bhūtanāthoditāsan
mārgadhvāntāndhatulyā nigamapathagatau daivasarge’pi jātāḥ
ghoṣādhīśaṃ tademe kathamapi manujāḥ prāpnuyur naiva daivī
sṛṣṭir vyarthā ca bhūyān nijaphalarahitā deva vaiśvānaraiṣā ।।२।।
na hyanyo vāgadhīśāc chrutigaṇavacasāṃ bhāvam ājñātum īṣṭe
yasmāt sādhvī svabhāvaṃ prakaṭayati vadhūr agrataḥ patyureva
tasmāc chrīvallabhākhya tvaduditavacanād anyathā rūpayanti
bhrāntā ye te nisargatridaśariputayā kevalāndhantamogāḥ ।।३।।
prādurbhūtena bhūmau vrajapati caraṇāmbhoja sevākhya vartma
prākaṭyaṃ yat kṛtaṃ te taduta nijakṛte śrīhutāśeti manye
yasmād asmin sthito yatkimapi kathamapi kvāpyupāhartum iccha
tyaddhā tad gopikeśaḥ svavadanakamale cāruhāse karoti ।।४।।
uṣṇatvaika svabhāvo’pyati śiśira vacaḥ puñja pīyūṣa vṛṣṭīr
ārteṣvatyugra mohāsura nṛṣu yugapat tāpamapyatra kurvan
svasmin kṛṣṇāsyatāṃ tvaṃ prakaṭayasi ca no bhūta devatvametad
yasmād ānandadaṃ śrīvrajajana nicaye nāśakaṃ cāsurāgneḥ ।।५।।
āmnāyoktaṃ yadambho bhavanamanalatas tacca satyaṃ vibho yat
sargādau bhūtarūpād abhavad analataḥ puṣkaraṃ bhūtarūpam
ānandaikasvarūpāt tvadadhibhu yad abhūt kṛṣṇasevārasābdhiś
cānandaika svarūpas tadakhilam ucitaṃ hetusāmyaṃ hi kārye ।।६।।
svāmin śrīvallabhāgne kṣaṇamapi bhavataḥ sannidhāne kṛpātaḥ
prāṇapreṣṭha vrajādhīśvara vadana didṛkṣārti tāpo janeṣu
yat prādurbhāvamāpnotyucitataramidaṃ yattu paścād apītthaṃ
dṛṣṭe’pyasmin mukhendau pracurataram udetyeva taccitram etat ।।७।।
ajñānādyandhakāra praśamanapaṭutā khyāpanāya trilokyām
agnitvaṃ varṇitaṃ te kavibhirapi sadā vastutaḥ kṛṣṇaeva
prādurbhūto bhavān ityanubhava nigamādyukta mānair avetya
tvāṃ śrīśrīvallabheme nikhilabudhajanāḥ gokuleśaṃ bhajante ।।८।।
श्री वल्लभाष्टकम्
श्रीमद् वृन्दावनेन्दु प्रकटित रसिकानन्द सन्दोहरूप
स्फूर्जद् रासादि लीलामृत जलधि भराक्रान्त सर्वोऽपि शश्वत् ।।
तस्यैवात्मानुभाव प्रकटन हृदयस्याज्ञया प्रादुरासीद्
भूमौ य: सन्मनुष्याकृतिरति करुणस् तं प्रपद्ये हुताशम् ।।१।।
नाविर्भूयाद् भवांश्चेद् अधि धरणि तलं भूतनाथोदितासन्
मार्गध्वान्तान्धतुल्या निगमपथगतौ दैवसर्गेऽपि जाता: ।।
घोषाधीशं तदेमे कथमपि मनुजा: प्राप्नुयुर् नैव दैवी
सृष्टिर् व्यर्था च भूयान् निजफलरहिता देव वैश्वानरैषा ।।२।।
न ह्यन्यो वागधीशाच् छ्रुतिगणवचसां भावम् आज्ञातुम् ईष्टे
यस्मात् साध्वी स्वभावं प्रकटयति वधूर् अग्रत: पत्युरेव ।।
तस्माच् छ्रीवल्लभाख्य त्वदुदितवचनाद् अन्यथा रूपयन्ति
भ्रान्ता ये ते निसर्गत्रिदशरिपुतया केवलान्धन्तमोगा: ।।३।।
प्रादुर्भूतेन भूमौ व्रजपति चरणाम्भोज सेवाख्य वर्त्म
प्राकट्यं यत् कृतं ते तदुत निजकृते श्रीहुताशेति मन्ये ।।
यस्माद् अस्मिन् स्थितो यत्किमपि कथमपि क्वाप्युपाहर्तुम् इच्छ
त्यद्धा तद् गोपिकेश: स्ववदनकमले चारुहासे करोति ।।४।।
उष्णत्वैक स्वभावोऽप्यति शिशिर वच: पुञ्ज पीयूष वृष्टीर्
आर्तेष्वत्युग्र मोहासुर नृषु युगपत् तापमप्यत्र कुर्वन् ।।
स्वस्मिन् कृष्णास्यतां त्वं प्रकटयसि च नो भूत देवत्वमेतद्
यस्माद् आनन्ददं श्रीव्रजजन निचये नाशकं चासुराग्ने: ।।५।।
आम्नायोक्तं यदम्भो भवनमनलतस् तच्च सत्यं विभो यत्
सर्गादौ भूतरूपाद् अभवद् अनलत: पुष्करं भूतरूपम् ।।
आनन्दैकस्वरूपात् त्वदधिभु यद् अभूत् कृष्णसेवारसाब्धिश्
चानन्दैक स्वरूपस् तदखिलम् उचितं हेतुसाम्यं हि कार्ये ।।६।।
स्वामिन् श्रीवल्लभाग्ने क्षणमपि भवत: सन्निधाने कृपात:
प्राणप्रेष्ठ व्रजाधीश्वर वदन दिदृक्षार्ति तापो जनेषु ।।
यत् प्रादुर्भावमाप्नोत्युचिततरमिदं यत्तु पश्चाद् अपीत्थं
दृष्टेऽप्यस्मिन् मुखेन्दौ प्रचुरतरम् उदेत्येव तच्चित्रम् एतत् ।।७।।
अज्ञानाद्यन्धकार प्रशमनपटुता ख्यापनाय त्रिलोक्याम्
अग्नित्वं वर्णितं ते कविभिरपि सदा वस्तुत: कृष्णएव ।।
प्रादुर्भूतो भवान् इत्यनुभव निगमाद्युक्त मानैर् अवेत्य
त्वां श्रीश्रीवल्लभेमे निखिलबुधजना: गोकुलेशं भजन्ते ।।८।।
Artist: Panditji Vishnu Shastri
