Sphurat-krshna-prem-amritam Stotra
"7 Verses" in praise of Shri Vallabhacharya's virtues
स्फुरत् कृष्ण प्रेमामृत रस भरेणाति भरिता
विहारान् कुर्वाणा व्रजपति विहाराब्धिषु सदा ।।
प्रिया गोपीभर्तु: स्फुरतु सततं वल्लभ इति
प्रथावत्यस्माकं हृदि सुभगमूर्ति: सकरुणा ।।१।।
श्रीभागवत प्रतिपद मणिवर भावांशु भूषिता मूर्ति: ।।
श्रीवल्लभा भिधा नस् तनोतु निजदासस्य सौभाग्यम् ।।२।।
मायावादतमो निरस्य मधुभित् सेवाख्य वर्त्माद्भुतं
श्रीमद् गोकुलनाथ सङ्गमसुधा सम्प्रापकं तत्क्षणात् ।।
दुष्प्रापं प्रकटीचकार करुणा रागाति सम्मोहन:
स श्रीवल्लभ भानुरुल्लसति य: श्रीवल्लवीशान्तर: ।।३।।
क्वचित् पाण्डित्यं चेत् न निगमगति: सापि यदि न
क्रिया सा सापि स्यात् यदि न हरिमार्गे परिचय: ।।
यदि स्यात् सोपि श्रीव्रजपति रतिर् नेति निखिलै:
गुनैरन्य: को वा विलसति विना वल्लभवरम् ।।४।।
मायावादि करीन्द्र दर्प दलनेनास्येन्दु राजोद्गत
श्रीमद् भागवताख्य दुर्लभ सुधा वर्षेण वेदोक्तिभि: ।।
राधावल्लभ सेवया तदुचित प्रेम्णोपदेशैरपि
श्रीमद्वल्लभ नामधेय सदृशो भावी न भुतोऽस्त्यपि ।।५।।
यदङ्घ्रि नख मण्डल प्रसृत वारि पीयूष युग्
वराङ्ग हृदयै: कलिस्तृणमिवेह तुच्धीकृत: ।।
व्रजाधिपतिरिन्दिरा प्रभृति मृग्य पादाम्बुज:
क्षणेन परितोषित: तदनुगत्वमेवास्तु मे ।।६।।
अघौघ तमसावृतं कलि भुजङ्गमासादितम्
जगद् विषय सागरे पतितमस्वधर्मे रतम् ।।
यदीक्षण सुधा निधि: समुदितोऽनुकम्पामृताद्
अमृत्युम् अकरोत् क्षणादरणमस्तु मे तत्पदम् ।।७।।
sphurat kṛṣṇa premāmṛta rasa bhareṇāti bharitā
vihārān kurvāṇā vrajapati vihārābdhiṣu sadā ।।
priyā gopībhartuḥ sphuratu satataṃ vallabha iti
prathāvatyasmākaṃ hṛdi subhagamūrtiḥ sakaruṇā ।।1।।
śrībhāgavata pratipada maṇivara bhāvāṃśu bhūṣitā mūrtiḥ ।।
śrīvallabhā bhidhā nas tanotu nijadāsasya saubhāgyam ।।2।।
māyāvādatamo nirasya madhubhit sevākhya vartmādbhutaṃ
śrīmad gokulanātha saṅgamasudhā samprāpakaṃ tatkṣaṇāt ।।
duṣprāpaṃ prakaṭīcakāra karuṇā rāgāti sammohanaḥ
sa śrīvallabha bhānurullasati yaḥ śrīvallavīśāntaraḥ ।।3।।
kvacit pāṇḍityaṃ cet na nigamagatiḥ sāpi yadi na
kriyā sā sāpi syāt yadi na harimārge paricayaḥ ।।
yadi syāt sopi śrīvrajapati ratir neti nikhilaiḥ
gunairanyaḥ ko vā vilasati vinā vallabhavaram ।।4।।
māyāvādi karīndra darpa dalanenāsyendu rājodgata
śrīmad bhāgavatākhya durlabha sudhā varṣeṇa vedoktibhiḥ ।।
rādhāvallabha sevayā taducita premṇopadeśairapi
śrīmadvallabha nāmadheya sadṛśo bhāvī na bhuto’styapi ।।5।।
yadaṅghri nakha maṇḍala prasṛta vāri pīyūṣa yug
varāṅga hṛdayaiḥ kalistṛṇamiveha tucdhīkṛtaḥ ।।
vrajādhipatirindirā prabhṛti mṛgya pādāmbujaḥ
kṣaṇena paritoṣitaḥ tadanugatvamevāstu me ।।6।।
aghaugha tamasāvṛtaṃ kali bhujaṅgamāsāditam
jagad viṣaya sāgare patitamasvadharme ratam ।।
yadīkṣaṇa sudhā nidhiḥ samudito’nukampāmṛtād
amṛtyum akarot kṣaṇādaraṇamastu me tatpadam ।।7।।
Artist: Panditji
