Dori Dori, Ruci Ruci

मान के पद
राग बिहाग
दोरी दोरी आवत मोहि मनावत दाम खरच कछु मोल लईरी ।

अचरापसार के मोहि खिजावत हों तेरे बाबा की चेरी भईरी ।।१।।
जारी जा सखी भवन आपने लख बातन की एक कहीरी ।
नन्ददास वे क्यों नहीं आवत उनके पायन कछु मेंहदी दईरी ।।२।।
 
mān ke pad
Rāg Bihāg
dorī dorī āvata mohi manāvata dāma kharaca kachu mola laīrī ।
acarāpasāra ke mohi khijāvata hõ tere bābā kī cerī bhaīrī ।।1।।
jārī jā sakhī bhavana āpane lakha bātana kī eka kahīrī ।
nandadāsa ve kyõ nahĩ āvata unake pāyana kachu mẽhadī daīrī ।।2।।
 
पोढवे के पद
राग बिहाग
सखियन रुचिरुचि सेज बनाई ।
रंगमहल में परे हें परदा धरी अङ्गीठी सुखदाई ।।१।।
सीत समें ग्रीष्म ऋतु कीनी अतिसुन्दर वरदाईं ।
श्रीविट्ठल गिरिधारी कृपानिधि पोढे ओढ रजाई ।।२।।
 
poḍhave ke pad
Rāg Bihāg
sakhiyana ruci ruci seja banāī ।
rangamahala mẽ pare hẽ paradā
dharī aṅgīṭhī sukhadāī ।।१।।
sīta samẽ grīṣma ṛtu kīnī atisundara varadāī̃ ।
Śri Viṭṭhala Giridhārī kṛpānidhi poḍhe oḍha rajāī ।।२।।

View Winter Krishna Lullabies Archive Item